सर्लाही समाचारदाता
मलंगवा, चैत १६ । समयमा नै सम्पत्ति बिबरण नबुझाउने सर्लाहीका ९१ शिक्षकहरुबाट चार लाख ५५ हजार जरिवाना संकलन भएको छ । समयमा नै सम्पत्ति बिबरण नबुझाउने प्रत्येक शिक्षकहरुलाई ५ हजारको दरले कारबाही गरि सो जरिवाना रकम संकलन भएको हो ।
फागुन मसान्त भित्रै सम्पत्ति बिबरण नबुझाउने दुई सय ४५ शिक्षहरुलाई ५ हजार जरिवाना सहित जिल्ला शिक्षा कार्यालयमा सम्पत्ति बिबरण बुझाउन ताकेता गरेको भएपनि अझै एक सय ५४ शिक्षकहरुले सम्पत्ति बिबरण बुझाएका छैनन् । सम्पत्ति बिबरण बुझाउन बाँकी रहेका शिक्षकहरुलाई अझै पनि जरिवाना सहित बिबरण बुझाउन ताकेका गरिरहेको कार्यालयका प्राविधिक सहायक सुनिलकुमार कुशवाहले जानकारी दिए । जिल्ला शिक्षा कार्यालयले केहि महिना अघि सुचना जारी गरि शिक्षकहरुलाई फागुन मसान्त भित्रै सम्पत्ति बिबरण बुझाउन आग्रह गरेको भएपनि अधिकांश शिक्षकहरुले अटेर गरेका छन् । केहि सरुवा भएका शिक्षकहरुको नाममा सम्पत्ति बिवरण नबुझाएको भन्ने सुचना पठाएकाले त्यस्ता शिक्षकहरुको तथ्याङ्क काठमाण्डौमा रहेको विद्यालय शिक्षक खानामा पठाउने जिल्ला शिक्षा कार्यालय सर्लाहीले जनाएको छ ।
No comments:
Post a Comment