अभिभावकको पत्रकार सम्मेलन

सर्लाही समाचारदाता
हरिवन, चैत १४ । एसएलसी परीक्षा दिइरहेका विद्यार्थीहरुका अभिभावकले शुक्रबार पत्रकार सम्मेलन गरी परिक्षार्थी माथि पक्षपातपूर्ण व्यवहार भएको जनाएका छन् । परीक्षा संचालित चतुर्भुजेश्वर जनाता उ.मा.वि. सुखेपोखरीमा केन्द्राध्यक्ष नरेन्द्रराज सुवेदीले परिक्षार्थीमाथि भेदभाव गरेका अभिभावकले जनाएका छन् ।
परिक्षार्थीका अभिभावकले शुक्रबार एक प्रेस विज्ञप्ति प्रकाशित गरी केन्द्रमा आफ्ना बाल बालिका माथि अत्यन्त अमर्यादित व्यवहार गरेको उल्लेख गरेका छन् ।
विहिबार भएको ऐच्छिक प्रथम विषयमा ज्ञानज्योती आवासिय विद्यालयका परिक्षार्थीलाई निरीक्षकहरुले समयमै थप उत्तर पुस्तिका नदिएको, परिक्षार्थीलाई मानसिक यातना दिएको, परिक्षार्थीको मनोबल कमजोर पार्ने विभिन्न क्रियाकलाप गरिएको अभिभावकले आरोप लगाएका छन् । परिक्षार्थीका अभिभावकहरु क्रमशः गोमा विष्ट, रामहरि प्रसाई, सञ्जु घिमिरे लगायतले केन्द्राध्यक्षले शिक्षाको व्यापार गर्ने मनसायले परिक्षामा बालबालिकालाई असर पु¥याएको जनाएका छन् ।
यता ज्ञानज्योति आवासिय विद्यालयका संस्थापक हरिकृष्ण बोहराले भने ‘‘केन्द्राध्यक्ष सुवेदीलाई थाहा छैन होला तर प्लान अनुसार आफ्नो परिक्षार्थीलाई भेदभावपूर्ण व्यवहार भएको छ ।’’ केन्द्राध्यक्ष नरेन्द्रराज सुवेदीले भने–‘‘परीक्षा एकदम मर्यादित छ । परीक्षा परीक्षाजस्तो मर्यादित बनाउन खोज्दा आरोप लागेको हो । एक पटक हैन परीक्षार्थीले १० पटकसम्म थप उत्तर पुस्तिका माग्दा समेत दिइएको छ ।’’ सुवेदीले अगाडी भने –‘‘परीक्षा हो, पढाई हैन, परीक्षामा परीक्षाकै नियम हुन्छ ।’’