आगलागीबाट परिवारको बिचल्ली

आगलागीबाट परिवारको बिचल्ली
सर्लाही समाचारदाता
श्रीपुर, चैत ०८ । आगलागीबाट घर जलेर पूर्ण रुपमा नष्ट भएपछि  श्रीपुर ८ का एक परिवारको बिचल्ली भएकोे छ ।
शनिवार अचानक घरमा आगालागीबाट भएको सबै जायोजेथा जलेर नष्ट भएपछि स्थानीय रामआश्रय रायको परिवार बिचल्लीमा परेको हो ।
एक तले फुसको घर आगलागीबाट जलेर खरानी भएपछि रायको ६ जनाको परिवार अहिले आफन्त सुरेन्द्र रायको जग्गामा रहेको छाप्रोमा शरण लिएर बसेका बताइएको छ । अचानक आगालागी हुँदा रायको घरभित्र रहेको अन्नपात, नगद, गहना, लत्ताकपडा लगायत सम्पूर्ण सामान जलेर नष्ट भएको पीडितले बताए । घर खरानी भएपछि भाईको बिचल्ली भएको जेठा दाजु रामकैलाश राय दुखेसो पोखे । आगलागी स्थानीय र ईलाका प्रहरी कार्यालय मूर्तियाको प्रहरी टोलीले डेढ घण्टापछि नियन्त्रणमा लिएको थियो ।
त्यसैगरी विद्युत सर्ट भएर आगालागी हुँदा शनिवार विहान कविलासी–९ स्थित गैर बजारमा एक मोवाईल तथा ईलोक्ट्रानिक पसल जलेर नष्ट भएको छ । जोगिन्दर ठाकुरको घरमा रहको एक कोठामा सोही  निवासी रामदिनेश महतोले सञ्चालन गरेका पसल जलेर नष्ट भएको हो । आगलागीबाट पसल भित्र रहेको सम्पूर्ण मोवाईल र ईलेक्ट्रोनिक सामान जलेर नष्ट भएको पीडितले बताए ।
आगलागी भएपछि स्थानीय र गैरबजारमा रहेको सशस्त्र प्रहरीको सहयोगमा  नियन्त्रणमा लिईएको थियो । आगलागीमा परी करिव ७ लाख बराबरको क्षति भएको पीडितलाई उदृत गर्दै जिल्ला प्रहरी कार्यालयले जनाएको छ । तत्काल आगो नियन्त्रणमा लिएका कारण घरमा थप क्षति हुन नपाएको एक स्थानीयले बताए ।