घरदैलोमा व्यस्त उम्मेद्वारहरु

घरदैलोमा व्यस्त उम्मेद्वारहरु
सर्लाही समाचारदाता
हरिवन, कात्तिक १३ । आगामी संविधान सभा निर्वाचनका क्रममा बुधबार विभिन्न राजनैतिक दलका उम्मेद्वारहरुले घरदैलो र पार्टी प्रवेश कार्यक्रम सम्पन्न गरेका छन् ।
तराई मधेश सदभावना पार्टी नेपालका अध्यक्ष एवं क्षेत्र नं. ४ का उम्मेद्वार महेन्द्र राय यादव दुई दिनदेखि सदरमुकाम मलंगवामा भोट भाग्दै घरदैलो गरिरहेका छन् । सद्भावना अध्यक्ष राजेन्द्र महतो सहितका उम्मेद्वारहरुसँग प्रतिस्पर्धा रहेकाले यादव दुई सातादेखि क्षेत्रमै रहेर प्रचारप्रसारमा सक्रिय छन् । यादवको घरदैलो मलंगवा क्षेत्रमा अझै एक दुई दिन हुने सो पार्टीले जनाएको छ ।
त्यस्तै नेपाली कांगे्रस क्षेत्र नं. १ की उम्मेद्वार शुशिला कार्कीले बुधबार जब्दी र बसन्तपुरमा पार्टी प्रवेश सहित घरदैलो कार्यक्रम गरेकी छिन् । जब्दी गाविस–६ मा सम्पन्न कार्यक्रममा धनबहादुर घिसिङ, धनमाया घिसिङ, कृष्ण परियार, अजुध्य आचार्य र राजदेव महतो लगायत २० जना आफनो पार्टीमा प्रवेश गरेको कांगे्रसले दावी गरेको छ ।
त्यस्तै नेपाली कांगे्रस क्षेत्र नं. २ का उम्मेद्वार रामचन्द्र चौधरीले सासापुरमा घरदैलो गरेका छन् । सो अवसरमा मोटरसाईकल ¥याली समेत गरिएको कांग्रेसले जनाएको छ । त्यस्तै नेपाली काँगे्रसको आंयोजनामा भोली सर्लाहीको बबरगन्ज २ बडकुरुवामा आम सभा हुने भएको छ । चुनाव प्रचार प्रसार समिती क्षेत्र नम्वर ४ को आयोजनामा सभा हुन लागेको हो ।
त्यसैगरी नेपाली कांग्रेस सर्लाहीका सभापति एवं क्षेत्र नं. ४ का उम्मेद्वार लक्ष्मण रायले बबरगंजमा घरदैलो कार्यक्रम गरेका छन् । सद्भावना अध्यक्ष राजेन्द्र महतोको गाउँ बबरगंजमा विहिबार केन्द्रीय नेता धनराज गुरुङको प्रमुख आतिथ्यतामा क्षेत्रीय सभा समेत आयोजना गरिएको रायले बताए ।
त्यस्तै एकिकृत नेकपा माओवादी क्षेत्र नं. १ का उम्मेद्वार शम्भुलाल श्रेष्ठले जब्दीमा घरदैलो गरेका छन् । नेकपा एमालेका राष्ट्रिय अध्यक्ष झलनाथ खनाल समेत प्रतिष्पर्धामा रहेका श्रेष्ठको घरदैलोमा एमाओवादी सर्लाही इन्चार्ज अच्यूतम काÇले लगायत नेताहरुको उपस्थिती रहेको थियो ।
त्यस्तै तराई मधेश लोकतान्त्रिक पार्टीका सर्लाही अध्यक्ष एवं क्षेत्र नं. ५ का उम्मेद्वार जंगीलाल रायले सिसौटियामा घरदैलो गरेका छन् । सिसौटियाको घरदैलो विहिबारसम्म जारी रहने अध्यक्ष रायले बताए ।
त्यस्तै राप्रपा क्षेत्र नं. २ का उम्मेद्वार किशोरबहादुर कार्कीले हरिवनमा घरदैलो गरेका छन् । विहानैदेखि लागेका उनी साँझ अबेरसम्म पनि घरदैलोमै क्रियाशिल थिए ।
५४ वटा दलबाट तथा स्वतन्त्र गरी जिल्लाभरका २ सय ५५ जना उम्मेद्वारहरु  हाल मतदाताको घरदैलोमा पुगेर भोट माग्ने कार्यमा भ्याईनभ्याई लागेका छन् ।