गाविसको न्यूनतम शर्त मापन

गाविसको न्यूनतम शर्त मापन
सर्लाही समाचारदाता
मलंगवा, कात्तिक १० । गाविसको न्यूनतम शर्त मापन तथा कार्य सम्पादन सम्बन्धि जानकारी दिदै आइतबार एकदिने कार्यक्रम सम्पन्न भएको छ ।
जिल्लाको ९९ गाविसका न्यूनतम शर्त मापनका लागि छनौट भएका २५ जना मूल्यांकनकर्ता तथा सम्पूर्ण गाविस सचिव सहित सहभागि गराई कार्य सम्पादन बारे जानकारी दिइएको थियो ।
स्थानिय विकास मन्त्रालय अन्तर्गत वित्तिय आयोग सचिवालयका उपसचिव सालिग्राम सापकोटाको प्रमुख आतिथ्य एवं स्थानिय विकास अधिकारी उमेश बस्नेतको सभापतित्वमा संचालित कार्यक्रममा न्यूनतम शर्तमापन तथा कार्य सम्पादन गर्ने प्रकृयाको बुँदागत रुपमा जानकारी दिइएको थियो ।
कार्यक्रममा जिल्लाका आर्थिक रुपले सम्पन्न ठुला गाविसहरु बरहथवा, ईश्वरपुर र हरिवनमा न्यूनतम शर्त तथा कार्य सम्पादन सहितको मूल्यांकन सुचांकका आधारमा गरिनुपर्ने र बाँकी रहेका ९६ गाविसमा न्यूनतम शर्त मापनको मात्र मूल्यांकन गरिनुपर्ने जानकारी कार्यक्रमबाट पाइएको गाविस हकहित संरक्षण केन्द्रका अध्यक्ष हरिकान्त लाल कर्णले जानकारी दिए । गाविसको शर्त मापनका लागि छनौट भएका मुल्यांकनकर्ताले तुरुन्त कार्य संचालन गर्ने र उनीहरुको प्रतिवेदनको आधारमा गाविसको अवस्था (पास, फेल) छुट्टीने स्थानिय विकास अधिकारी बस्नेतले जानकारी दिए ।