सुरक्षा समितिको बैठक सम्पन्न

सुरक्षा समितिको बैठक सम्पन्न
सर्लाही समाचारदाता
मलंगवा, कात्तिक १२ । निर्वाचनको सुरक्षा व्यवस्था लगायत विषयमा मंगलबार जिल्ला सुरक्षा समितिको बैठकले विभिन्न निर्णय गरेको छ ।
निर्वाचनसँग सम्बन्धी सामग्री मतदान केन्द्रसम्म ढुवानी, मतदात केन्द्र लगायतको सुरक्षा व्यवस्था लगायतमा विभिन्न निर्णय गरिएको समितिका अध्यक्ष प्रमुख जिल्ला अधिकारी दिनेशकुमार घिमिरेले बताए ।
‘‘निर्वाचन सामग्री ढुवानी लगायत विषयमा छलफल गर्नुपर्ने भएकाले सुरक्षा समितिको बैठक बसेर विभिन्न निर्णय गरियो ।’’ प्रजिअ घिमिरेले भने ।
बैठकमा समितिका पदेन सदस्यहरु नेपाली सेनाको रिपुमद्र्धन गणका गणपति मनोज वैदवार, जिल्ला प्रहरी कार्यालय प्रमुख प्रहरी उपरीक्षक रविन्द्रबहादुर धानुक, सशस्त्र प्रहरीको सिमा सुरक्षा कार्यालय मलंगवाका प्रमुख सशस्त्र प्रहरी उपरीक्षक हृदयनारायण मण्डल, राष्ट्रिय अनुसन्धानका प्रमुख प्रनाउ माधव खतिवडा लगायतको उपस्थिती रहेको थियो ।
निर्वाचनको विषयमा छलफल एवं निर्णय गर्नुपर्ने भएकाले बैठकमा जिल्ला न्यायाधिस एवं मुख्य निर्वाचन अधिकृत कृष्ण कमल अधिकारी सहित ६ वटै क्षेत्रका निर्वाचन अधिकृत, जिल्ला निर्वाचन कार्यालयका प्रमुख प्रकाश अधिकारी लगायतलाई पनि आमन्त्रित गरिएको प्रजिअ घिमिरेले बताए ।