कांग्रेसको प्रचारसमिति

कांग्रेसको प्रचारसमिति
सर्लाही समाचारदाता
नेत्रगंज, कात्तिक ०९ । नेपाली कांग्रेस क्षेत्र नम्बर २ का उम्मेद्वार रामचन्द्र चौधरीलाई जिताउनका लागि नेत्रगंज गाविसमा शनिबार प्रचारप्रसार समिति गठन गरिएको छ ।
नेत्रगंज गाविस–३ स्थित कांग्रेसका वयोवृद्ध नेता एवं पूर्व जिल्ला सभापति बासुदेवशरण कोइरालाको निवासमा भएको भेलाले एकसय पाँच सदस्यीय प्रचारप्रसार समिति गठन गरेको हो । नेत्रगंज गाउँ समितिका अध्यक्ष उद्यव पौडेलको सभापतित्वमा भएको भेलाले इस्किलाल पासवानको संयोजकत्वमा प्रचारप्रसार समिति गठन गरेको कांग्रेस नेतृ भवानी कोइरालाले बताईन् । समितिको उपसंयोजकमा हस्तबहादुर खड्का रहेका छन् भने बासुदेव शरण कोइराला, मेघराज कोइराला, निर्माण कुमार चालिसे लगायत एकसय पाँचजना सदस्य रहेका छन् ।
भेलामा बोल्ने वक्ताहरुले नेपाली कांग्रेसका उम्मेद्वार रामचन्द्र चौधरीलाई अत्याधिक बहुमत दिलाएर जिताउनका लागि व्यापक प्रचारप्रसार गर्ने प्रतिबद्धता जनाएका थिए । प्रचारप्रसार समितिले गरेको कामको मूल्यांकन एवं समिक्षाका लागि आगामी कात्तिक १६ गते भेला समेत राखिने नेतृ कोइरालाले बताईन् ।