मोटरसाईकल ठक्करबाट उम्मेद्वारका छोरा घाईते

मोटरसाईकल ठक्करबाट उम्मेद्वारका छोरा घाईते
सर्लाही समाचारदाता
इश्वरपुर, कात्तिक १० । मोटरसाईकलको ठक्करबाट राष्ट्रिय मधेश समाजवादी पार्टीका क्षेत्र नं. १ का उम्मेद्वार विन्दु साहका छोरा घाईते भएका छन् ।
आइतबार विहान साँढे १० बजे फूलजोर–इश्वरपुर सडकखण्ड  अन्तर्गत इश्वरपुर–४ मा बा. २३ प ९८६१ नम्बरको मोटरसाईकलले उम्म्देवार साहका ४ वर्षिय छोरा मनिषलाई ठक्कर दिएको थियो । इश्वरपुर गाविस–२ का २२ वर्षिय नविन लामाले चलाएको मोटरसाईकलले ठक्कर दिँदा मनिष गम्भिर घाईते भएको जिल्ला प्रहरी कार्यालयका प्रवक्ता प्रहरी निरीक्षक पृथ्वीनारायण ओलीले बताए । प्रहरीका अनुसार टाउकोमा चोट लागेका मनिषलाई उपचारका लागि वीरगंज स्थित मेडिकल कलेज लगिएको छ ।
त्यसैगरी पूर्व–पश्चिम राजमार्ग अन्गर्त रानीगंजमा आइतबार विहान भएको मोटरसाईकल दुर्घटनामा एक महिला सहित दुईजना घाईते भएका छन् । पश्चिमबाट पूर्व गईरहेको बा. ४७ प १३४८ नम्बरको मोटरसाईकलले ठक्कर दिँदा पैदल यात्री लक्ष्मिनिया–८, महोत्तरीकी ४२ वर्षिया इन्द्रकुमारी गोले घाईते भएकी छिन् भने मोटरसाईकल चालक अम्मले–९, सिन्धुली निवासी रमेश सुनुवार पनि घाईते भएका छन् । घाईते दुवैजनालाई लालबन्दीमा प्राथमिक उपचार पश्चात थप उपचारका लागि भरतपुरतर्फ पठाईएको जिल्ला प्रहरी कार्यालयका प्रवक्ता पृथ्वीनारायण ओलीले बताए ।