चुनावका लागि मेची–महाकाली यात्रा
सर्लाही समाचारदाता
हरिवन, कात्तिक ०८ । पार्टीलाई भोट माग्दै नेपाली कांग्रेसका दुई कार्यकर्ताले मेची–महाकाली साइकल यात्रा शुरु गरेका छन् ।
संविधान सभाको सफलताका लागि नेपाली कांगेसलाई मतदान गरौं भन्ने मूल नाराका साथ कार्तिक–५ गते मंगलबार मेची पूलबाट यात्रा शुरु गरेका साइकल यात्री शुक्रबार अपरान्ह हरिवन आइपुगेका हुन् ।
नेपाली कांग्रेस निकट नेपाल विद्यार्थी संघ त्रिचन्द्र क्याम्पस र संघको काठमाण्डौं पूर्व जिल्ला सभापति सुवोधराज आचार्य र उनका सहयोगी आशिषराज खनालले १५ दिने मेची–महाकाली साइकल यात्रा शुरु गरेका बताए ।
यात्राका क्रममा कांग्रेसले उच्छृंखल आन्दोलनबाट टाढा रहनुपर्ने, मूलुकलका प्रमुख बजारहरु साइकल मैत्री बनाई बढ्दो प्रदुषण नियन्त्रण र बढ्दो फजुल खर्च नियन्त्रण गरिनुपर्नै चेतना फैल्याउदै यात्रा गरिएको यात्री आचार्यले जानकारी दिए ।
नेपाली कांग्रेसको सन्देश प्रत्यक्ष रुपमा गाउँ–गाउँ पु¥याउने कार्यलाई साइकल यात्राले सार्थकता दिएको आफुले बुझेको आचार्यको कथन छ । पार्टीको मत र गतिविधि बुझ्दै दैनिक ४० देखि ५० किलोमिटर यात्रा गरिने कार्यक्रम रहेको आचार्यले बताए ।दुई यात्री हरिवन आइपुग्दा नेविसंघका पूर्व जिल्ला सभापति एवं नेपाली कांग्रेसका यूवा नेता निरमूनि मैनालीले स्वागत गरेका थिए ।
हरिवनमा एकघण्टाको बसाइ पश्चात यात्रा शुरु गरेका आचार्य र खनालले शुक्रबार बाराको निजगढसम्म जाने बताए । पार्टीको प्रचारका साथ मत माग्ने यो नौलो प्रकृया भएको स्थानिय बासिन्दाहरुको कथन रहेको छ ।
No comments:
Post a Comment