मतपेटीका आयोे

मतपेटीका आयोे
सर्लाही समाचारदाता
मलंगवा, कात्तिक १२ । मंसिर–४ गते हुने संविधान सभाको दोश्रो निर्वाचनका लागि प्रयोग हुने समानुपातिकको मत पेटिका जिल्लामा आएको छ ।
जिल्ला निर्वाचन कार्यालयका प्रमुख प्रकाश अधिकारीका अनुसार समानुपातिक तर्फको मतदानका लागि प्रयोग हुने पाँचसय २८ थान मतपेटीका आएको छ । जिल्लामा पाँचसय पाँचवटा मतदान केन्द्र तोकिएकाले प्रत्येक केन्द्रमा एक÷एक वटा समानुपातिकको मत पेटिका र कर्मचारीलाई लक्षित गरी जिल्ला सदरमुकाममा एक गरी कुल पाँचसय छ वटा मत पेटिका प्रयोगमा आउने निर्वाचन कार्यालयका प्रमुख अधिकारीले जानकारी दिए ।
प्रत्यक्षतर्फको मतदानका लागि भने जिल्ला मै मतपेटीका रहेको अधिकारीले बताए ।
निर्वाचनका लागि ७० भन्दा बढी सामग्रीको आइटम हुने भएको तर मतपत्र, स्वस्तिक छाप लगायत ५० वटा भन्दा बढी सामग्री आउन बाँकी रहेको निर्वाचन कार्यालय प्रमुख अधिकारीले जानकारी दिए ।
सेनाले खटिएको स्थानमा पाउने
नेपाली सेनाले खटिएकै स्थानबाट समानुपातिक तर्फ मतदान गर्न पाउने भएका छन् । निर्वाचनमा सेना फिल्डमै खटिएकाले पायक पर्ने मतदान केन्द्रमा गएर मतदान गर्न पाउने व्यवस्था भएको जिल्ला निर्वाचन कार्यालय प्रमुख प्रकाश अधिकारीले जानकारी दिए ।
यसअघिको निर्वाचनमा नेपाली सेनाले नजिकको व्यारेकमा राखिएको मतपेटीका प्रयोग गर्नुपरेको थियो । निर्वाचनमा सम्बन्धित क्षेत्र (मतदाता नामावलीमा नाम समावेश भएका) मा भएका कर्मचारी, प्रहरी र सेनाले प्रत्यक्षतर्फको उम्मेद्वारलाई समेत मतदान गर्न पाउँछन् भने बाहिरकाले समानुपातिकमा मात्र मतदान गर्न पाउने छन् ।