सर्लाहीमा पनि स्काई प्रो सिम
सर्लाही समाचारदाता
मलंगवा, कात्तिक ११ । नेपाल टेलिकम मलंगवाले उच्चगतिको इन्टरनेट सेवा सहितको सिडिएमए स्काई प्रो सिम वितरण सुरु गर्ने भएको छ ।
२–४ दिन भित्रबाट उक्त सिम वितरण हुने टेलिकम मलंगवाका सिडिएमए शाखा प्रमुख सरोज महतोले बताए । स्काई प्रो का सिमहरुमा इन्टरनेट सेवा उच्चगतिले चल्ने बताईएको छ । पहिलाका सिडिएमए स्काई सिममा पनि इन्टरनेट सेवा चल्ने भएपनि गति कम रहेकाले नयाँ स्काई प्रो सिम उपभोक्ताहरुबीच लोकप्रीय हुने विश्वास महतोले व्यक्त गरे
त्यस्तै सिडिएमए (फिक्सड) सेट वितरण पूनः सुरु हुन लागेको समेत महतोले जानकारी दिए । प्रिपेड सिडिएमए सेट पनि २–४ दिनभित्र वितरण सुरु हुने महतोले बताए । पहिला ७ हजार ९ सय ९९ पर्ने सिडिएमएलाई ४ हजार ९ सय १० रुपैया पर्ने बताईएको छ । सिडिएमए लिन नागरिकता प्रमाणपत्रको प्रतिलिपि र १ प्रति फोटो समेत चाहिने महतोले बताए । नयाँ सिडिएमए लिँदा डाटा केबुल र डाटा एक्टिभेसनका लागि छुट्टै शुल्क नलाग्ने टेलिकमले जनाएको छ ।
No comments:
Post a Comment