झलनाथलाई जिताउने भेला

झलनाथलाई जिताउने भेला
सर्लाही समाचारदाता
लालबन्दी, कात्तिक ०९ । नेकपा एमालेका राष्ट्रिय अध्यक्ष झलनाथ खनाललाई जिताउन शनिबार लालबन्दीमा सम्बद्ध जनवर्गीय संगठनहरुको भेला सम्पन्न भएको छ ।
लालबन्दीमा भएको भेलाले क्षेत्र नम्बर १ बाट एमालेको तर्फबाट उम्मेद्वारी दिएका राष्ट्रिय अध्यक्ष खनाललाई जिताउनका लागि व्यापक प्रचारप्रसार गर्ने निर्णय गरेको हो । भेलामा एमाले सम्बद्ध यूवा, विद्यार्थी, बुद्धिजीवी, दलित, महिला लगायत जनबर्गीय संगठनका प्रमुखहरुको उपस्थिती रहेको बताईएको छ ।
कार्यक्रममा नेकपा एमालेका केन्द्रीय सदस्य परशुराम मेघी गुरुङ, एमाले नेतृ रामकुमारी झाँक्री, एमाले अञ्चल नेता लक्ष्मण पौडेल, जिल्ला अध्यक्ष मनोज देवकोटा लगायतले मन्तव्य राखेका थिए । कार्यक्रम एमाले क्षेत्र नम्बर १ को सम्पर्क कार्यालय लालबन्दी प्रांगणमा भएको थियो ।