बैंकमा चोरी

बैंकमा चोरी
सर्लाही समाचारादाता
मलंगवा, कात्तिक ०९ । बैंकको सामान चोरी गर्दै गर्दा मलंगवाका एक यूवक पक्राउ परेका छन् । सदरमुकाम मलंगवा स्थित डेभलपमेन्ट बैंक लि. को सामग्री चोर्दै गर्दाको अवस्थामा मलंगवा–२ का मुकेश यादव पक्राउ परेका हुन् ।
अभियुक्त यादवले बैंकको मूल गेटको ताल्चा खोलेर कार्यालय भित्र पसी कम्प्युटर निकाल्दै गरेको अवस्थामा पक्राउ परेका प्रहरीले जनाएको छ ।
जिल्ला प्रहरी प्रवक्ता एवं प्रहरी निरीक्षक पृथ्वी नारायण ओलीका अनुसार खुकुरीको सहायताले यादवले बैंकको लकर खेल्ने प्रयास गरेको भएपनि असफल भएका थिए । बैंकको सुरक्षाकर्मी (गार्ड) को लापरवाहीका कारण बैंकमा चोरीको प्रयास भएको उल्लेख गर्दै प्रहरी प्रवक्ता ओलीले बैंकमा ठुलो चोरीको प्रयास भएको तर यादव एक्लै भएर विफल भएको बताए ।
एक साता अघि पनि प्रहरीले लागुऔषध दुव्र्यसनीका रुपमा यादवलाइ पक्राउ गरेको तर घर परिवारले काठमाण्डौं स्थित कलेजमा पढ्ने र दशैंमा घरमा आएको उल्लेखगरी तुरुन्त काठमाण्डौं पठाउने शर्तमा छोडिएको प्रहरी श्रोतले बतायो ।
यादवले शुक्रबार घरमा ल्यापटप, कम्प्युटर किन्न अभिभावकलाई आग्रह गरेका तर उनलाई सामान किन्न परिवारले अस्वीकृत गरेपछि शनिबार विहानै घर छोडेका खुलेको प्रहरी निरीक्षक ओलीले जानकारी दिए । जिल्लामा बढ्दो लागुऔषधको प्रयोगले खासगरी यूवाहरुमा असर परेको र दुव्र्यसनी भएपछि विभिन्न अपराध गर्ने उदृत हुने गरेकोको बताइएको छ ।