भौगोलिक आधारमा संघीयता
सर्लाही समाचारदाता
अत्रौली, कात्तिक १० । चुरे भावर राष्ट्रिय एकता पार्टीले आइतबार अत्रौलीमा सभा गरेको छ ।
सभालाई पार्टीका राष्ट्रिय अध्यक्ष एवं क्षेत्र नं. २ का उम्मेद्वार बद्री न्यौपानेले सम्बोधन गरेका थिए । जातिय आधारमा मुलुक टुक्र्याउन खोजिएकाले त्यसका विरुद्धमा पार्टी निरन्तर लडिरहेको अध्यक्ष न्यौपानेले बताए । संघीय राज्य निर्माण गर्दा जातीय आधारमा नभई भौगोलिक आधारमा गर्नुपर्ने पार्टीको अडान रहेको पूर्व मन्त्री समेत रहेका न्यौपानेले बताए ।
मुलुकलाई जातीय आधारमा गरिन लागिएको विखण्डन रोक्नका लागि आगामी चुनावमा चुरे भावर राष्ट्रिय एकता पार्टीलाई सहयोग गर्न समेत अध्यक्ष न्यौपानेले आग्रह गरे । कार्यक्रममा भावरका अन्य विभिन्न नेता कार्यकर्ताहरुले समेत मुलकुको हितका लागि अध्यक्ष न्यौपानेलाई जिताउनुपर्ने मन्तव्य राखेका थिए ।
No comments:
Post a Comment