ढिस्कोले पुरिएर युवकको मृत्यु

ढिस्कोले पुरिएर युवकको मृत्यु
सर्लाही समाचारदाता
रानीगंज, कात्तिक ०८ । तिहारमा घर पोत्नका लागि माटो खन्ने क्रममा ढिस्कोले पुरिएर शुक्रबार साँझ सर्लाहीको रानीगंजका एक युवकको मृत्यु भएको छ ।
रानीगंज गाविस–४ का १८ वर्षिय रमेश महतोको माटोको ढिस्कोले पुरिएर मृत्यु भएको जिल्ला प्रहरी कार्यालय सर्लाहीका प्रवक्ता प्रहरी निरीक्षक पृथ्वीनारायण ओलीले बताए । उनीसँगै माटो लिन गएका १९ वर्षिय शुशिल महतो भने ढिस्कोले पुरिएर घाईते भएका छन् । उनलाई उपचारका लागि महोतरीको बर्दिबासतर्फ लगिएको प्रहरीले जनाएको छ ।
रानीगंज गाविस–२ स्थित चक्रे खोला किनारमा माटो खन्ने क्रममा साँझ साँढे ४ बजेतिर दुईजनालाई माटोको ढिस्कोले पुरेको थियो । प्रहरीका अनुसार उनीहरु दुईजना टायरगाढा लिएर तिहारमा घर पोत्नका लागि माटो लिन गएका थिए ।