परवानीपुरको ‘स्टुल’ काठमाण्डौ
सर्लाही समाचारदाता
परवानीपुर, कात्तिक ११ । परवानीपुरमा देखिएको झाडापखालाका विरामीबाट ‘स्टुल’ (दिसा) संकलन गरी परिक्षणका लागि काठमाण्डौ पठाईएको छ ।
सोमबार स्वास्थ्य सेवा विभागको रोग नियन्त्रण महाशाखा टेकुबाट आएको टोलीले परवानीपुरमै गएर विरामीहरुबाट ‘स्टुल’ संकलन गरेर लगेको लालबन्दी प्राथमिक स्वास्थ्य केन्द्रका हेल्थ असिस्टेन्ट रोशन चौधरीले बताए । दुईजना ल्याब टेक्निसियनको टोली परवानीपुर आएको बताईएको छ । स्थानीय ल्याबबाट झाडापखालाको स्पष्ट कारण खुल्न नसकेपछि परिक्षणका लागि काठमाण्डौबाट टोली आएको हो ।
परवानीपुर गाविस–१, सतभैयामा गत शनिबारदेखि फैलिएको झाडापखालाको प्रकोप सोमबारबाट नियन्त्रणमा आएको चौधरीले जानकारी दिए । गत शनिबार लालबन्दी प्राथमिक स्वास्थ्य केन्द्रमा आएका १७ जना विरामीमध्ये आईतबार १२ जना घर फर्किएका थिए भने सोमबार विहान बाँकी ५ जना विरामी पनि स्वास्थ्य सुधार पश्चात घर फर्किएका छन् । परवानीपुर गाउँमै स्वास्थ्य उपचारको लागि खटिएको टोली पनि फर्किसकेको चौधरीले बताए ।
No comments:
Post a Comment