शान्ति समितिको सहयोग परिक्षण

शान्ति समितिको सहयोग परिक्षण
सर्लाही समाचारदाता
बरहथवा, कात्तिक ०८ । द्वन्द्वपीडितलाई जिल्ला शान्ति समिति मार्फत उपलब्ध गराइएको सहयोग बारे शुक्रबार बरहथवामा सामाजिक परिक्षण भएको छ । १२ वर्षे जनयुद्धका समयमा द्वन्द्वबाट पीडित व्यक्तिलाई प्रदान गरिएको सहयोग रकमको राष्ट्रिय वातावरण तथा स्वास्थ्य अनुसन्धान अध्ययन केन्द्र र गोरखाली मनकामना अध्ययन अनुसन्धान केन्द्र सानोठिमी भक्तपुरको टोलीले परिक्षण गरेको हो । अनुसन्धान केन्द्रका प्रतिनिधी ध्रुवबहादुर श्रेष्ठका अनसार स्थानिय २० जना द्वन्द्वपीडित सहभागि भएको कार्यक्रममा द्वन्द्व पीडित एकल महिलाले पाएको आर्थिक सहायता तथा रोजगार÷स्वरोजगार कार्यक्रम सम्पादन बारे अध्ययन गरिएको थियो ।  कार्यक्रममा द्वन्द्व पीडितहरुले सहायता रकम समयमै प्राप्त भएकोले समाजमा हेर्ने दृष्टिकोणमा परिवर्तन भएको, सहयोगले तत्कालको समस्या समाधान गर्न सहयोग गरेको बताएका थिए । अध्ययनका क्रममा एकल महिलाले पाउने आर्थिक सहयोग केहीले पाउन बाँकी रहेको भेटिएको श्रेष्ठले जानकारी दिए । सामाजिक परिक्षण कार्यक्रममा स्थानिय शान्ति समिति सर्लाहीका कार्यालय सचिव केदार काफ्लेको समेत उपस्थिती रहेको थियो ।