काठ ल्याउँदा प्रहरी बीच कुटाकुट
सर्लाही समाचारदाता
मलंगवा, कात्तिक ०८ । काठको विषयलाई लिएर विहिबार राती प्रहरी विच कुटाकुट भएको छ ।
इलाका प्रहरी कार्यालय ईश्वरपुरको टोलीले वनबाट दाउरा ल्याउँदा फुलजोर प्रहरीले रोकेपछि बढेको विवाद पश्चात सामान्य कुटाकुट भएको स्थानीय एक प्रत्यक्षदर्शीले बताए ।
प्राप्त जानकारी अनुसार दाउराको रुपमा केही ठुला काठ समेत रहेकाले फुलजोर प्रहरीले रोकेपछि विवाद बढेको थियो ।
दाउराभन्दा ठुलो काठ कार्यालयको सामाग्री बनाउन प्रयोग गरिनका लागि ल्याइएको प्रहरी श्रोतले जनाएको छ ।
यता जिल्ला प्रहरी कार्यालयका प्रवक्ता एवं प्रहरी निरीक्षक पृथ्वी नारायण ओलीले प्रहरी बीच कुटाकुट नभएको र सामान्य घटनालाई अतिरंजित गरि प्रचार गरिएको बताए ।
शुक्रबार फुलजोर प्रहरीले चारवटा सालका काँचा लाथ्रा जिल्ला वन कार्यालयमा बुझाएको निमित्त जिल्ला वन अधिकृत विनोद सिंहले बताए ।
No comments:
Post a Comment