अगुवा कृषकलाई तालिम

अगुवा कृषकलाई तालिम
सर्लाही समाचारदाता
मलंगवा, फागुन ०७ । सदरमुकाम मलंगवामा तीन दिने उखु बाली सम्बन्धि अगुवा कृषक तालिम सम्पन्न भएको छ ।
जिल्ला कृषि विकास कार्यालयको आयोजनामा सञ्चालित तालिम बुधबार सम्पन्न भएको हो । तालिममा विभिन्न गाविसका २३ जना कृषकहरु सहभागी रहेको कार्यालयका प्रमुख युगलकिश्वर तिवारीले जानकारी दिए । कृषकहरुलाई उखु बालीमा रोेग, किरा नियन्त्रण, खुट्टी व्यवस्थापन, उखु लगाउने तरिका लगायतको बारेमा तालिम दिइएको छ । तालिममा कार्यालयका बाली अधिकृत र इन्दु शंकर चिनी उद्योगका उखु प्रवन्धकले प्रशिक्षण दिएका थिए ।