क्षयरोगी फेला परे
सर्लाही समाचारदाता
ढुंग्रेखोला, फागुन १४ । क्षयरोगी पहिचान गर्ने उदेश्यले ढुंगे्रखोला गाविसमा भएको निःशुल्क शिविरमा एकजना क्षयरोगी फेला परेका छन् भने दुईजनामा लक्षण देखिएको छ ।
उपस्वास्थ्य चौकी ढुंग्रेखोलामा भएको निशुल्क दुई दिने क्षयरोग शिविरमा त्यस्तो भेटिएको जिल्ला जनस्वास्थ्य कार्यालयले जनाएको छ । शिविरमा स्वास्थ्य परिक्षण गरिएका एक सय ५४ जनामध्ये एक जनामा रोग फेला परेको र दुई जनालाई थप परिक्षण गर्नुपर्ने भएको हो । स्वास्थ्य कार्यालयको आयोजनामा जिल्लाको ९९ सय गाविसलाई नै पाएक पर्ने गरी पाँच गाविसमा शिविरको आयोजना गरिएको जनस्वास्थ्य कार्यालयले जनाएको छ । हालसम्म मधुवनगोठ र ढुंगे्रखोला गाविसमा शिविर भैसकेको तथा अब परवानीपुर, पर्सा र भक्तिपुर गाविसमा क्षयरोग परिक्षण शिविर आयोजना गरिने क्षय तथा कुष्ठ रोग अधिकृत शाहबुद्धिन मिकरानीले जानकारी दिए ।
No comments:
Post a Comment