शिक्षकलाई अनिवार्य बैंक खाता
सर्लाही समाचारदाता
मलंगवा, फागुन १३ । जिल्ला स्थित कार्यरत शिक्षक एवं विद्यालय कर्मचारीलाई तुरुन्त आÇनो बैंक खाता खोल्न जिल्ला शिक्षा कार्यालयले अनुरोध गरेको छ ।
अबदेखि तलब, भत्ता लगायत विभिन्न सेवा सुविधा बैंक खातामार्फत हुने भएकाले आगामी फागुन मसान्त भित्र स्थायी, अस्थाई, राहत शिक्षक एवं विद्यालय सहायक कर्मचारी र विद्यालय सहयोगिले खाता खोल्नुपर्ने शिक्षा अधिकारी राजकुमार विश्वकर्माले बताए । जिल्ला स्थित नेपाल बैंक लिमिटेडमा खाता खोलेर फागुन मसान्त भित्र जानकारी नपठाउने शिक्षक एवं कर्मचारीहरुको तलब भत्ता सहितका सेवा सुविधा रोकिने जिल्ला शिक्षा कार्यालयले जनाएको छ ।
एउटा विद्यालयमा कार्यरत शिक्षक एवं कर्मचारीको खाता नेबैलीको एउटै शाखामा हुनुपर्ने समेत शिक्षा कार्यालयले जनाएको छ ।
No comments:
Post a Comment