स्वस्तिकको सूपथ मूल्य पसल

स्वस्तिकको सूपथ मूल्य पसल
सर्लाही समाचारदाता
इश्वरपुर, फागुन १२ । स्वस्तिक बचत तथा ऋण सहकारी संस्था इश्वरपुरले सोमबारदेखि सुपथ मूल्यको सहकारी पसल पूनः सञ्चालनमा ल्याएको छ ।
डिभिजन सहकारी कार्यालय मलंगवामा प्रमुख रामलक्षण रायको उपस्थितीमा एक कार्यक्रमका बीच उक्त पसलको उद्घाटन गरिएको हो । संस्थाको भवन निमार्ण गर्ने क्रममा बन्द रहेको पसल सोमबारबाट पुन सञ्चालनमा ल्याएको संस्थाले जनाएको छ । कार्यक्रममा संस्थाका अध्यक्ष बेनी बहादुर कार्की, सञ्चालक सुर्य नारायण चौधरी, प्रवन्धक रुपनारायण सिंह, सहायक प्रवन्धक बिनोद थापा, डिभिजन सहकारी कार्यालयका सहायक निरीक्षक प्रमोद अधिकारी लगायको उपस्थिती रहेको थियो ।
आÇनो सेयर सदस्यको हितका लागी सुपथ मूल्य पसल सञ्चालन गरिएकाले सेयर सदस्यहरुलाई सोही पसलबाटै आवश्यक सामानहरु खरिद गर्नका लागी संस्थाले आग्रह गरेको छ । पसलमा दैनिक उपभोग्य सामाग्रीका साथै किसानका लागी मलखाद समेत उपलब्ध रहेको सहकारी संस्थाका अध्यक्ष कार्कीले बताए । संस्थाका नियमीत ग्राहक उपेन्द्र कार्कीलाई सामाग्री बिक्री गरी पसलको उद्घाटन गरिएको हो ।