बिना दाईजो विवाह

बिना दाईजो विवाह
सर्लाही समाचारदाता
हरिवन, फागुन ०९ ।   परंपरागत कु–संस्कृतिलाइ चुनौति दिदै शुक्रवार मधेशी समुदायका एक युवकले विना दाइजो विवाह गरेका छन् । हरिवनका युवक बिक्रम साहले नयाँरोडकी एक युवती सँग  दाईजो नलिईकन विवाह गरेका हुन् ।
साहले हरिवन ६ घर भएकी पार्वती रौनियार सँग दाईजो नै नलिई सुकेपोखरीमा रहेको चर्तुभुजेश्वर माहादेव मन्दिरमा विवाह गरेका हुन् । तराइ–मधेश क्षेत्रमा मधेशी समुदायमा विवाह गर्न केटा पक्षले किटान गरी केटी पक्षसँग नगद र जेन्सी दाईजो माग्ने प्रचलन रहेको छ । तर साहले  केहि पनि सम्पती नलिई सामान्य रुपमा विवाह सम्पन्न गरिएको बेहुलाका मामा नथुनी साहले जानकारी दिए । केटा पक्षबाट दाईजो नलिने र केटी पक्षले पनि दाई दाईजो नदिने भन्ने समझादारी अनुसार विवाह गरिएको बताइएको छ ।
मुलुक २१औं शताब्दीमा प्रवेश गरिसक्दा समेत १८औं शताब्दीका कू–साँस्कृतिक नीति नियम अन्त्य गनुपर्ने संदेश सहित लेनदेन बिनाको विवाह गरिएको साहको कथन छ ।