मोटरसाईकलमा काठ ओसार्ने पक्राउ
सर्लाही समाचारदाता
कर्मैया, फागुन १३ । मोटरसाईकलमा काठ तस्करी गर्दै गरेको अवस्थामा प्रहरीले सोमबार राती दुईजनालाई पक्राउ गरेको छ ।
इलाका प्रहरी कार्यालय कर्मैयाको टोलीले कर्मैयाका पूरानो चौकीदेखि केही दक्षिण नहरको बाटोहुँदै मोटरसाईकलमा सालका कडिहरु ओसारिरहेको अवस्थामा राती साँढे १० बजे दुईजनालाई पक्राउ गरेको हो । पक्राउ पर्नेमा ढुंग्रेखोला गाविस–५ का रमेश स्याङ्तान र चन्द्रमान लामा रहेका छन् ।
बा. ५२ प ७१३ नम्बरको २२० सीसीको निलो पल्सर मोटरसाइकलमा ६ वटा सालका कडी ओसारिरहेको अवस्थामा उनीहरुलाई पक्राउ गरिएको प्रहरीले जनाएको छ । पक्राउ परेकाको बयानका आधारमा प्रहरीले पूनः कर्मैया स्थित वागमति नदि किनारमा लुकाएर राखिएको अवस्थामा ६ थान फेण्टा (फल्ली) समेत बरामद् गरेको छ ।
पक्राउ परकाहरु पेशेवर रुपमा काठ ओसारपसार गर्ने गरेको प्रहरीले दावी गरेको छ । पक्राउ परेका दुईजना र सँगै बरामद् भएको मोटरसाईकल एवं १२ थान फेण्टा÷कडी मंगलबार दिउँसो इलाका प्रहरी कार्यालय हरिवनले आवश्यक कार्वाहीका लागि जिल्ला वन कार्यालयलाई बुझाएको छ ।
केही दिनअघि पनि इलाका प्रहरी कार्यालय हरिवनको टोलीले ढुंंग्रेखोला गाविसबाट एक ट्रेक्टर सखुवाका काठ बरामद् गरि जिल्ला वन कार्यालयलाई बुझाएको थियो । चोरी, तस्करी, लागूऔषध सहित अपराधीक कृयक्लाप नियन्त्रणमा कडाई गरिएको इलाका प्रहरी कार्यालय हरिवनका प्रहरी निरीक्षक महेश थापाले बताए ।
No comments:
Post a Comment