कागजात विनाको मोटरसाईकल छाड्न दवाव

कागजात विनाको मोटरसाईकल छाड्न दवाव
सर्लाही समाचारदाता
नवलपुर, फागुन ०९ । चेकजाँचका क्रममा कागजपत्र नभएको पाईएपछि नियन्त्रणमा लिईएको भारतीय मोटरसाईकल छाड्न चौतर्फी दवाव बढेको जिल्ला ट्राफिक प्रहरी कार्यालय स्रोतले जनाएको छ ।
ट्राफिक प्रहरी पोष्ट हरिवनले केही दिनअघि नियन्त्रणमा लिएको द्यच् घण् म् ८८३५ नम्बरको भारतीय स्प्लेण्डर मोटरसाईकल छाड्नका लागि प्रशासनिक र राजनैतिक दवाव आएको एक ट्राफिक प्रहरीले बताए । चेकजाँचका क्रममा विलबुक, भन्सार रसिद लगायत कुनैपनि कागजात नभएकाले उक्त मोटरसाईकल नियन्त्रणमा लिईएको ट्राफिक प्रहरीले जनाएको छ । ‘‘कागजपत्र लिएर आउँछु भन्दै हिडेका मोटरसाईकल चालक अहिलेसम्म आएका छैनन् ।’’ एक ट्राफिक प्रहरीले भने–‘‘तर मोटरसाईकल छाडिदिनु प¥यो भनेर निरन्तर फोनमा दवाव आईरहेको छ ।’’ चोरीको मोटरसाईकन हुनसक्ने आशंकाका साथ उक्त मोटरसाईकलमा अनुसन्धान भईरहेको ट्राफिक प्रहरी स्रोतले जनायो ।
यसैबीच केही दिनयता सवारी चालक अनुमति पत्र नबोकी तथा भन्सार नतिरी गुडिरहेका १५ वटा भारतीय मोटरसाईकललाई जरिवाना गरेर छाडिएको हरिवन ट्राफिक प्रहरीले जनाएको छ ।