विकृती रोक्न प्रहरीको अभियान

विकृती रोक्न प्रहरीको अभियान
सर्लाही समाचारदाता
लालबन्दी, फागुन ११ । ईलाका प्रहरी कार्यालय लालबन्दीले समाजमा बढ्दै गएको सामाजिक विकृत नियन्त्रण गर्न अभियान सञ्चालन गर्ने भएको छ ।
आइतबार आयोजना गरिएको गोष्ठीमा सहभागी सरोकारावालाहरुले प्रहरीले सञ्चालन गर्न लागेको अभियानमा सहयोग गर्ने प्रतिवद्धता जनाएका छन् । गोष्ठीमा सहभागी सर्लाही क्षेत्र नम्वर १ का नवनिर्वाचित सभासद् शम्भुलाल श्रेष्ठले पनि प्रहरीले शुरु गर्न लागेको अभियान निकै प्रशंसनिय भएको भन्दै आफ्नो तर्फबाट अभियान सफल पार्न सक्दो पहल गर्ने बताए ।
लालबन्दीमा मदिरा सेवन गरी जथाभावी हो–हल्ला गर्ने, अखाद्य बस्तु बिक्री वितरण गर्ने, जुवातास खेल्ने, महिला हिंसा नियन्त्रण लगायत अन्य सामाजिक विकृती नियन्त्रण गर्न अभियान सञ्चालन गर्न लागेको प्रहरी निरीक्षक विष्णु प्रसाद सोतीले जानकारी दिए । पछिल्लो समयमा विभिन्न किसिमका सामाजिक विकृती बढेपछि प्रहरीले नियन्त्रण गर्न अभियान सञ्चालन गर्न लागेको हो । त्यस्तै विभिन्न विद्यालयहरुमा पुगेर ट्राफिक नियमको बारेमा विद्यार्थीहलाई शिक्षा दिन थालिएको प्रहरीले जनाएको छ ।