महिला संघमा काफ्ले चयन

महिला संघमा काफ्ले चयन
सर्लाही समाचारदाता
सासापुर, फागुन १३ ।   अखिल नेपाल महिला संघ सर्लाही क्षेत्र नम्वर १ मा राजेश्वरी काफ्लेको नेतृत्वमा २१ सदस्यीय नयाँ कार्यसमिति चयन भएको छ ।  एमालेको भातृ संगठन संघको मंगलवार लालबन्दीमा भएको अधिवेशनले नयाँ कार्य समिति चयन गरेको हो ।
समितिकोे उपाध्यक्षमा राधिका मैनाली, सचिव हीरा लामा, सह सचिवमा वीणा कुमारी मैनाली, कोषाध्यक्ष ज्ञानु कार्की लगायत अन्य सदस्य रहेका छन् । सघंका पूर्व क्षेत्रिय अध्यक्ष लक्ष्मी पाख्रिनको अध्यक्षता तथा संघको अञ्चल सचिव गंगा विष्टको प्रमुख आतिथ्यतामा अधिवेशन सम्पन्न भएको हो । अधिवेसनमा संघका जिल्ला अध्यक्ष कल्पना कट्वाल, नेताहरु सुशील थपलिया, मीनकुमार गौतम, रामबहादुर खड्का, नेतृहरु बेची लुंगेली, सीता थापा, मीरा कार्की लगायतको सहभागिता रहेको थियो ।