हेपाटाइटिसको भ्याक्सिन आयो

हेपाटाइटिसको भ्याक्सिन आयो
सर्लाही समाचारदाता
किसनपुर, फागुन ०७ । किसनपुर–१ स्थित दलित बस्तीमा फैलिएको हेपाटाइटिस बी रोग नियन्त्रण गर्नका लागि भारतबाट भ्याक्सिन झिकाईएको छ ।
गाविस कार्यालयले बुधबार भारतबाट ४ भाइल बरावरको ५० जनालाई पुग्ने भ्याक्सिन झिकाएको हो । केहिदिनअघि भ्याक्सिन अभाव भएको समाचार आएपछि गाविसले निजी व्यवसायी मार्फत भ्याक्सिन झिकाएको हो । जिल्लाका कुनै पनि स्वास्थ्य संस्थामा भ्याक्सिन नपाएपछि भारतबाट झिकाईएको गाविस सचिव हरिकान्तलाल कर्णले जानकारी दिए । उक्त बस्तीमा बसोवास गर्ने अधिकांश व्यक्तिहरु भारतमा रोजगार गर्न जाने भएकाले रोग सरेको चिकित्सकहरुको भनाई छ । किसनपुरमा हेपाटाइटिस बी लागेर एक जनाको मृत्यु भैसकेको छ भने आधा दर्जन भन्दा बढी व्यक्तिहरुमा यसको संक्रमण देखा परेको छ । बस्तीमा ल्याव टेष्ट पश्चात रोगको लक्ष्यण देखा परेकाहरुलाई भ्याक्सिन दिने बताईएको छ ।