शिवरात्रीमा सुरक्षा ब्यवस्था कडा

शिवरात्रीमा सुरक्षा ब्यवस्था कडा
सर्लाही समाचारदाता
सासापुर, फागुन १३ । नजिकिदो माहाशिवरात्रीलाई मध्यनजर गर्दै जिल्लाको शान्तिसुरक्षा व्यवस्था कडा पारिने भएको छ । शिवरात्रीको समयमा लागुपदार्थ सेवन उत्छृङ्खल गतिविधि गर्ने जो कसैलाई पनि कानून बमोजिम कडा कारवाही गर्ने प्रमुख अधिकारी दिनेशकुमार घिमिरेले बताए ।
शिवरात्रीको समयमा जिल्लाका विभिन्न स्थानहरुमा लाग्ने मेलाहरुलाई लक्षित गर्दै सुरक्षा रणनीति तयार गरिएको घिमिरले बताउनुभयो । कानून विपरित मदिरा बेच्ने देखि सेवन गर्ने सबैलाई कारवाही गरिने बताईएको छ । शिवरात्रीको समयमा भाङ, धतुरो, मदिरा खाएर होहल्लागरी र विकृती फैलाउने प्रवृत्तिलाई नियन्त्रण गर्न सबैक्षेत्रमा प्रहरी परिचालन गरिने भएको जिल्लास्थित शुरक्षा समितिले जनाएको छ ।