आन्तरिक नृत्य प्रतियोगिता

आन्तरिक नृत्य प्रतियोगिता
सर्लाही समाचारदाता
हरिवन, फागुन ०९ । सनराइज उच्च माध्यमिक विद्यालयले शुक्रबार आन्तरिक नृत्य प्रतियोगिता सम्पन्न गरेको छ ।
विद्यालयमा कक्षा–३ देखि १० सम्मका अध्ययनरत विद्यार्थी बिच नृत्य प्रतियोगिता भएको थियो । संचालित एकल र समूह नृत्य प्रतियोगितामा प्राय सबै प्रतियोगितामा कक्षा ९ का विद्यार्थीले उपाधि चुमेका थिए ।
राम लामा, मणि लामा र मुन्ना लामा निर्णायक रहेका सो प्रतियोगितामा कक्षा–९ की पुष्पाञ्जली प्रधान, रुपा थापा, प्रेरणा शर्मा, रोजी काफ्ले र यूनिसा थपलियाले प्रस्तुत गरेको समूह नृत्य प्रथम, एक नृत्य गर्ने कक्षा–९ की प्रेरणा शर्मा दोश्रो र कक्षा नौ कै गायत्री महत तेश्रो भएकी थिईन ।
त्यसैगरी एकल नृत्यमा पुष्पाञ्जली शर्माले सान्त्वना पुरस्कार प्राप्त गरेकी थिईन । प्रतियोगितामा विजयीलाई विद्यालयका संस्थापक ज्ञानप्रसाद पोखरेल, तथा प्रमुख अतिथी अभिभावक प्रतिनीधि सिता दहाल एवं सह–प्रिन्सिपल शुवास घिमिरे द्धारा प्रमाण–पत्र, मेडल र स्टेशनरी सामग्री सहितको पुरस्कार प्रदान गरिएको थियो ।
वि.सं.२०५६ सालदेखि प्रत्येक वर्ष फागुन ९ गते विद्यालयमा नियमित रुपमा आन्तरिक नृत्य प्रतियोगिता संचालन गर्ने गरिएको विद्यालयका प्रिन्सिपल सुदर्शन पोखरेलले बताए ।