ईलाका स्तरीय गोष्ठी सम्पन्न

ईलाका स्तरीय गोष्ठी सम्पन्न
सर्लाही समाचारदाता
सासापुर, फागुन १३ ।  मंगलवार सासापुर गाविसमा जिविसको ४ नम्वरको ईलाका स्तरीय एक दिने गोष्ठी सम्पन्न भएको छ । गोष्ठीमा जिल्लाका ४ नम्वर ईलाका अन्तर्गतपर्ने सासापुर, हरिवन, घुर्कौली, अत्रौली र नेत्रगंज गाविसका सचिवहरुको सहभागिता रहेको थियो ।
सासापुर गाविसका सचिव उद्धव नारायण श्रेष्ठको अध्यक्षमा भएको गोष्ठीमा क्षेत्र नम्वर ४ को ईलाका स्तरीय सरोकार समिति गठन गरिएको छ । गठित समितिको संयोजकमा इन्द्रबहादुर पाठक, सह संयोजक टमबहादुर घिसिङ्, सचिव धनबहादुर मिक्चन, कोषाध्यक्षमा गोपाल बहादुर थापा लगायत २१ सदस्यीय समिति गठन गरिएको हो ।
गोष्ठीमा ईलाका स्तरीय योजनामा छनोट गरेका योजनाहरुलाई एकीकृत योजना बनाई कार्यान्वयनका लागी जिल्ला विकास समितिमा डेलिगेसन जाने, पाँचै गाविसको स्थलगत अनुगमन गरी भावी योजना समेत बनाउने निर्णय भएको  संयोजक पाठकले बताए ।
समितिले नेत्रगंजमा शर्पदंश उपचार केन्द्रका लागी औजार तथा उपकरण, हरिवनमा खेलकुद रंगशाला, सासापुरको गणेशचोक हुँदै सिन्धुलीको क्यानेश्वर सम्मका लागी राजमार्गको व्यवस्था गर्ने, अत्रौलीको चुरे संरक्षण पर्यटन स्थलको विकास गर्ने लगायत माग लिएर डेलिगेसन जाने निर्णय भएको बताइएको       छ ।