सुरक्षित आप्रवासनको प्रशिक्षण

सुरक्षित आप्रवासनको प्रशिक्षण
सर्लाही समाचारदाता
इश्वरपुर, फागुन १० । ईश्वपुर २ मा रहेको नारायण निमावीमा शनिवार सुरक्षित आप्रवासन तथा बैदेशिक रोजगारको विषयमा एक दिने प्रशिक्षण कार्यक्रम सम्पन्न भएको छ ।
वैदेशिक रोजगारीमा सकेसम्म नजाने र जानैपरे आवश्यक शिप सिकेरमात्र जानुपर्ने जानकारी सहितको प्रशिक्षणमा ईश्वरपुर र भक्तिपुर स्रोत केन्द्र अन्तर्गतका १९ जना सामाजिक विषय पढाउने शिक्षकरुको सहभागिता रहेको थियो ।
सहयोगी समाज नेपाल हरिवनको अयोजनामा भएको प्रशिक्षणमा अरबिन्द चौधरी र रमेशचन्द्र बरालले प्रशिक्षण दिएका थिए । यसैगरी महिला तथा बालबालिका कार्यालय मलंगवाले महिला तथा बालबालिको क्षेत्रमा काम गर्न रणनीति तय गर्नका लागी ईश्वरपुरको मनकामना महिला जागृती बचत तथा ऋण सहकारी संस्थाका प्रतिनिधीहरुलई प्रशिक्षण दिएको छ । प्रशिक्षणमा संस्थाका सञ्चालक समिति सदस्य, लेखा समिति सदस्य लगायत ३० जना सहभागी भएका शान्ति सेवा केन्द्र मलंगवाकी संयोजक बनिता कार्कीले जानकारी दिइने । सहभागीहरुलाई पुष्पलता उपे्रतीले प्रंशिक्षण दिएकी थिइन् ।