दुर्घटनामा घाइते

दुर्घटनामा घाइते
सर्लाही समाचारदाता
हरिवन, फागुन १० । पूर्व–पश्चिम राजमार्ग अन्तर्गत हरिवनमा शनिबार साँझ भएको सडक दुर्घटनामा एकजना घाइते भएका छन् ।
पश्चिमबाट पूर्वतर्फ आउँदै गरेको ज. १ त ४७९२ नम्बरको ट्रयाक्टरको उखु लोड भएको टेलर पछाडी ना. १८ प ६८७५ नम्बरको मोटरसाईकल ठोक्किँदा हरिवन–४ बस्ने ३६ वर्षिय राजेन्द्र खरेल घाइते भएका हुन् । हरिवन–७ नोचा टोलबाट पूर्व–पश्चिम राजमार्गमा निस्किएका खरेलले चलाएको मोटरसाईकल पश्चिमबाट पूर्वतर्फ आउँदै गरेको उखु बोकेको ट्रयाक्टरको पछाडीपट्टी जोतिएको ट्राफिक प्रहरीले जनाएको छ । साँझ ७ बजे भएको दुर्घटना बाट घाइते खरेलको यो समाचार तयारपार्दासम्म हरिवन अस्पतालमा उपचार भईरहेको छ ।