लालबन्दीमा सरसफाई सम्मेलन

लालबन्दीमा सरसफाई सम्मेलन
सर्लाही समाचारदाता
लालबन्दी, फागुन ०८ । गाविसको कार्यालय लालबन्दीले विहिबार गाउँ स्तरीय सरसफाई सम्मेलन सम्पन्न गरेको छ ।
गाविसलाई खुला दिशामुक्त क्षेत्र बनाउनका लागि सरसफाई सम्मेलन आयोजना गरिएको बताईएको छ । गाविस सचिव शम्भु ठाकुरको अध्यक्षतामा भएको कार्यक्रममा क्षेत्र नं. १ बाट निर्वाचित सभासद् शम्भुलाल श्रेष्ठ प्रमुख अतिथि रहेका थिए भने जिल्ला सरसफाई समन्वय समितिका अध्यक्ष एवं स्थानीय विकास अधिकारी उमेश बस्नेत विशिष्ट अतिथि रहेका थिए । लालबन्दी गाविसलाई जिल्लाको पहिलो खुला दिशामुक्त गाविस घोषणा गर्ने लक्ष्यका साथ सरसफाई सम्मेलन गरिएको गाविस कार्यालयले जनाएको छ ।
स्थानीय विकास अधिकारी बस्नेतले कार्यक्रममा सरसफाई सम्वन्धी कार्यपत्र समेत प्रस्तुत गरेका थिए । कृषि उपसेवा केन्द्र नवलपुरका प्रमुख ईन्द्रदेव यादवले स्वागत सम्मेलनमा विभिन्न सरकारी निकायका पदाधिकारी, लक्षित समुदायका प्रतिनिधि, राजनीतिक दलका प्रतिनिधि स्थानीय लगायतको सहभागिता रहेको थियो । सरसफाई सम्मेलनको अवसरमा शौचालय नभएका तर बनाउन सक्ने हैसियत भएका परिवारलाई २०७० चैत्र मसान्त भित्र अनिवार्यमा रुपमा शौचालय बनाउन पहल गर्ने, खुला स्थानमा दिशा गर्नेलाई सामाजिक सार्वजनिक अपराध मानी कार्वाही गर्ने, फागुन मसान्त भित्रमा हरेक वडा, टोल र बस्तीमा रहेका परिवारमा शौचालय भए नभएको यकिन गर्ने, खुल्ला दिशामुक्त क्षेत्र हुने पहिलो वडा, बस्ती, टोललाई पुरस्कृत गर्ने लगायत साँत बुँदे घोषण पत्र समेत सार्वजनिक गरिएको छ ।
सर्लाही जिल्लालाई नै सन २०१६ अर्थात २०७२ सम्ममा खुल्ला दिशामुक्त घोषणा गर्न ९९ सय वटै गाविसमा विभिन्न कार्यक्रम शुरु भएको छ । सबैको साथ र सहयोग मिलेमा जिल्लालाई सन २०१६ अर्थात वि.सं. २०७२ सालसम्ममा खुल्ला दिशामुक्त बनाउन सकिने स्थानीय विकास अधिकारी बस्नेतले बताए ।