दुर्घटनामा नांै घाईते, एकको अवस्था गम्भिर

दुर्घटनामा नांै घाईते, एकको अवस्था गम्भिर
सर्लाही समाचारदाता
कर्मैया, फागुन ०७ । पूर्व–पश्चिम राजमार्ग अन्तर्गत कर्मैया–७ मा बुधबार बिहान भएको सवारी दुर्घटनामा नौ जना घाईते भएका छन् ।
दुर्घटनामा परि घुर्कौली–४ की २५ वर्षिय ईन्द्रकलैया यादव गम्भिर घाईते भएकी छिन् । गम्भिर घाईते यादवलाई हरिवन स्थित नमूना अस्पतालमा सामान्य उपचार पछि थप उपचारका लागी वीरगंज पठाएको ईलाका प्रहरी कार्यालय हरिवनका प्रहरी निरीक्षक महेश थापाले जानकारी दिए । गर्भवती समेत रहेकिले यादवलाई थप उपचारका लागि वीरगंज पठाईएको प्रहरीले जनाएको छ ।
अन्य घाईतेहरुमा लालबन्दी गाविस–९ का ५७ वर्षिय मदन कोइराला, ५० वर्षिया मेनुका कोइराला, लालबन्दी गाविस–८ की ६४ वर्षिया भवानी प्याकुरेल, २५ वर्षिया सुष्मा प्याकुरेल लगायत रहेका छन् । उनीहरुको हरिवन स्थित नमुना अस्पतालमा उपचार भैरहेको प्रहरीले जनाएको छ ।
जनकपुरबाट वीरगंज तर्फ जाँदै गरेको ना. २ ख ५२३६ नम्वरको बस अनियन्त्रित भई पल्टिएको थियो । बसका चालकलाई ईलाका प्रहरी कार्यालय हरिवनले नियन्त्रणमा राखेको छ । ओभरटेक गर्ने बेलामा बस अनियन्त्रित भई दुर्घटना भएको प्रहरीले जनाएको छ ।