सर्लाही समाचारदाता
ढुंग्रेखोला, फागुन ०८ । पूर्व–पश्चिम राजमार्ग अन्तर्गत ढुंग्रखोला गाविस–४ स्थीत मिलनचोक नजिक विहिबार साँझ भएको ट्यांकर दुर्घटनामा एक जना महिलाको मृत्यु भएको छ भने तीन जना गम्भिर घाईते भएका छन् ।
दुर्घटनामा परि गम्भिर घाईते भएकी हरिवन गाविस–६ बस्ने ४० वर्षिया सन्तमाया दोङको थप उपचारार्थ बिरगंग तर्फ लैजाँदै गर्दा बाटैमा मृत्यु भएको ईलाका प्रहरी कार्यालय हरिवनले जनाएको छ । दुर्घटनामा परि हरिवन गाविस–६ की १६ बर्षिया एलिसा दोङ, ढुंग्रेखोला गाविस–४ का ५६ वर्षिय चन्द्रबहादुर दोङ र कैलाली जिल्ला घर भएका चालक २७ वर्षिय गोविन्दबहादुर गुरुङ गम्भिर घाईते भएका छन् । त्यस्तै दुर्घटनामा ट्यांकरका सहचालक कैलालीका २५ वर्षिय विरबहादुर तामाङ सामान्य घाईते भएका छन् । गम्भिर घाईते तीनजनालाई नमुना अस्पताल हरिवनमा सामान्य उपचार पछि थप उपचारार्थ बिरगंज पठाईएको प्रहरीले जनाएको छ ।
पश्चिमबाट पुर्व तर्फ आईरहेको छुवा बोक्ने ना. २ ख ६१६ नम्बरको ट्यांकर बाटो काट्दै गरेको पैदल यात्रिलाई जोगाउने क्रममा राजमार्गबाट तल खसेको थियो ।
No comments:
Post a Comment