यी हुन् लागूऔषध कारोबारीका आरोपी
लागूऔषध कारोबारमा संलग्न रहेको आरोपमा एकसाताभित्र पक्राउ परेका बायाँबाट क्रमशः महोत्तरी बलुवा गाविस–७ का २६ वर्षिय जीवन महतो र सर्लाहीको ढुंग्रेखोला गाविस–२ की आशामाया वल एवं मलंगवा नगरपालिका–१० का २३ वर्षिय उदयकुमार यादव र जमुनिया गाविस–४ का २२ वर्षिय विजय यादव । चारैजनालाई इलाका प्रहरी कार्यालयले लागूऔषध सहित पक्राउ गरेको हो । महतो र बललाई गत सोमबार तथा यादवद्वयलाई गत मंगलबार राती प्रहरीले नियन्त्रणमा लिएको हो । पक्राउ परेका चारजनालाई नै इलाका प्रहरी कार्यालय हरिपुरले कार्वाही प्रकृया अगाडी बढाएको छ । पक्राउ परेलगतै इलाका प्रहरी कार्यालय हरिवनले थप कार्वाही प्रकृयाका लागि हरिपुर प्रहरीसमक्ष बुझाएको थियो । मलंगवा नगरपालिका–१० का २३ वर्षिय उदयकुमार यादव र जमुनिया गाविस–४ का २२ वर्षिय विजय यादवलाई लागूऔषध नियन्त्रण ऐन अनुसार विहिबार जिल्ला अदालतबाट ६ दिन एवं महतो र बललाई गत मंगलबार ५ दिन म्याद लिएर कार्वाही प्रकृया अगाडी बढाईएको हरिपुर प्रहरीले जनाएको छ । यादवद्वयलाई जानकीनगरबाट घुर्कौलीतर्फ ८० बोतल कोरेक्स बोकेर द्यच् घण्म्छण्द्दढ नम्बरको भारतीय मोटरसाईकलमा आउँदै गरेको अवस्थामा घुर्कौली गाविस–६ बाट मंगलबार राती ९ बजे इलाका प्रहरी कार्यालय हरिवनले नियन्त्रणमा लिएको थियो । त्यस्तै महतो र बललाई गत सोमबार विहान बलकै घरमा छापा मारेर लागूऔषध सहित पक्राउ गरेको हो । उक्त घरबाट कोरेक्स, प्रोक्सीभन लगायत लागूऔषध एवं ८५ हजारभन्दा बढी नगद बरामद् भएको थियो । सर्लाहीमा लागूऔषधको कारोबार एवं दुव्र्यसन बढेको र त्यसबाट अपराधिक क्रियाक्लाप समेत बढेको भन्दै इलाका प्रहरी कार्यालयले आक्रामक ढंगले कार्वाही प्रकृया अगाडी बढाएको प्रहरी निरीक्षक महेश थापाले बताए । भारतीय बजारमा सहजै उपलब्ध हुने त्यस्ता औषधीहरु नेपालमा भने कानूनी रुपमा प्रतिबन्धित रहेको छ । त्यस्ता औषधीहरु सर्लाहीका विभिन्न नाकाबाट भित्र्याई जिल्लाको उत्तरी क्षेत्रमा ल्याउने र काठमाडौं सहित मुलुकका विभिन्न शहरहरुमा समेत लागूऔषधको रुपमा कारोबार गर्ने गरिएको जानकारहरु बताउँछन् ।
No comments:
Post a Comment